Freitag, 26. Oktober 2018

Katër poezi nga Agim Gashi


JETA MBAN EMRIN TËND
(Njeriut që më dhuroi mëlçinë ) 

Akoma jetoj me frikën, 
Dhe bisedoj me ty
Vëlla a motër ishe nuk e di.

Ne mua jeton edhe ti.
Bashkë me endrrat dhe shpresën
Për të ardhmën 

Ti
Jetën deshe
Më shumë nga të gjithë
E dashurisë i dhe shpirt

Jeton në frymen time
Në këngët që po lindin

Jeton në Formulën e Dhembjës
Në Planetin e Dashurisë 

Jeta mban emrin tënd
Dhe lutjen për të nesërmen



 KUR BIE SHI

 Kur ngryset qielli
 Ngryset zemra ime

 Kur bie shi
 Lotojnë edhe sytë

 Sa shpesh
 Erret qielli
 Dhe bies hi

 Bubullimë 
 Në shpirtin tim


  
 ATDHEU

 Atdheut i fala dashurinë,
 Ishte pak

 Ia fala lumturinë
 aq sa kisha

 I fala djalin
 Oh…
 Te bukurin e babit.

 Do ia falë të gjitha përbesë
 Për një varr e një bajrak



BIJA IME, SHQIPJA IME.

Emer të shenjtë të pata dhënë
E shqip derdha edhe lotet për Ty
Kur ike për ta takuar perëndinë
Bija ime Shqipja ime Dielli im

Më janë shuar rrezet e zemrës
Jetës i humbën të gjitha ngjyrat
E dhembja mi dogji damarët e shpirtit
Po keq e le babin moj bij

Montag, 22. Oktober 2018

Fillimi i vitit të ri shkollor në Quinto

Hamit Kurti
Shkruan:Hamit Kurti
Shkolla Shqipe "SHËN NËNA TEREZË" në Quinto di Treviso sot solemnisht festoj fillimin e vitit të ri shkollor me emrin e bijës shqiptare të Shenjtës -Nënës Terezë!
Të shoqëruar me prindërit e tyre ishin të pranishëm shumë fëmijë që tashmë disa vite ndjekun mësimet pranë kësaj shkolle , por kishte edhe të tillë që kishin ardhur që të bëhen pjesë e mësimit këtë vit .
Duke parë sukseset e kësaj shkolle dhe sidomos angazhimin e pashoq të mësuesit të kësaj shkolle prof. Bajram Desku i cili e bëri faktor comunitetin kosovaro-shqiptar jo vetëm në këtë qytet ,por edhe bashkëpunëtorëve të tij mësues , natyrisht me përkrahjen e madhe të prindëve të nxënësve , bashkëatdhetarëve dhe bisnesmenëve që dhe veprojnë në këtë zonë të Italisë ku nuk mungoj as përkrahja e institucioneve vendore sidomos komuna e Quintos dhe organet kishtare .
Për respekt takimin e përshëndeti Don Roberto i cili tha se asnjërë nuk do ndalet përkrahja ime në aktivitetet tuaja sepse jeni shembull për të mirë .

Jo vetëm lokalet por gjithçka që është e mundur do ua vë në dispozicion për realizimin e dëshirave tuaja . 
Ai për mungesë kohe u largua , pasi u falënderua nga të pranishmit për përkrahjen i përcjellur me duartrokitje të gjata !
Prof.Bajram Desku shfrytëzoj rastin që të ndaj mirënjohje për prindërit dhe shumë nga ata që ndihmuan dhe nuk ndahen nga asnjë nismë që shkon në mbarëvajtjen e mësimit shqip dhe në dobi të komunitetit shqiptar .

Për ti argëtuar të pranishmit erdhi enkas Grupi Artistik Iliria ku me vallet e tyre kenaqen sit fëmijët ashtu edhe të rriturit .
Për të pranishmit ishte organizuar edhe një koktel rasti nga ana e afaristit z.Hetem Zogaj , njërit ndër sponzorët kryesor te Shkollës Shqipe dhe të të gjitha nismave dhe aktiviteteve shqiptare .
Me dëshirën e të gjithëve u vendos të vizitohej shtatorja e Shën Nënës Terezë emrin e së cilës që nga sot me krenari e mban Shkolla Shqipe në Quinto di Treviso dhe bashkërisht u marshua deri aty ku pranë shtatores Grupi Artistik Iliria me veshje kombëtare ekzekutuan valle nga çdo trevë shqiptare sikur donin ti thonin "nëna e shejtë jemi nga çdo cep i Shqipërisë " dhe ajo ashtu me duartë e bashkuara sikur i bekonte të gjithë .

Quinto di Treviso 
20 Tetor 2018

Donnerstag, 11. Oktober 2018

Ndue Lazri - Dy cmime Nobel në një rrugë

Ndue Lazri

(Nënë Tereza e Guglielmo Marconi )

Po ngjiteshim nga Venezia për në Treviso bashkë me mikun tim, Gjergj Dedaj, zëvendësministër i jashtëm i Republikës së Kosovës. Jemi të ftuar për të marrë pjesë në përurimin e shtatores së Nënë Terezes, në Quinto. Një iniciativë e komunitetit shqiptar në zonën e Trevisos, pritur me kënaqësi nga kryetari i bashkisë dhe e gjithë komuna e Quintos, që kanë ndihmuar konkretisht në realizimin e këtij projekti.
Gjergji është njeri shumë patriot, i lidhur familjarisht me rrënjët e vërteta të shqiptarizmit, me tokën e traditat shqiptare në Shqipëri e në Kosovë e me figura të tilla si Gjergj Kastrioti e Nënë Tereza, që janë emblema të identitetit tonë kombëtar. Prandaj edhe biseda rreth këtyre figurave vjen e natyrshme. 
-Është gjë e bukur e me vlerë që diaspora po kujtohet për të vënë shtatore e monumente të Nënë Terezes aty ku jetojnë e punojnë shqiptarë në emigracion. Kjo na i mbush zemrat me gëzim e na bën të vijmë me shumë kënaqësi në përurime të tilla,-thotë Gjergji.
Unë i tregoj që emigrantët shqiptarë në Itali i kushtojnë shumë vëmendje figurës së Nënë Terezes. Ne kemi dy shoqata që mbajnë emrin e kësaj gruaje të madhe të kombit tonë, në Pesaro e në Modena. Po i flisja edhe për aktivitetin e bukur të organizuar një javë më parë nga Forum Donne Indipendenti e shkolla “Scanderbeg” Parma, kushtuar pikërisht Nënë Terezes. Kur vjen shtatori, muaj që na kujton ditën e shenjtërimit të kësaj shenjtoreje shqiptare, shumë shoqata të emigrantëve shqiptarë në Itali organizojnë veprimtari të ndryshme për të evokuar emrin dhe figurën e Nënë Terezes, që na bën të ndihemi krenarë dhe të devotshëm ndaj saj. E aktiviteti në Parma, që kishte vazhduar për disa orë me këngë e recitime kushtuar Nënë Terezes, me fëmijët që përcillnin në kartela të shkruara fjalët e saj të mençura, me vallet e bukura të grupit “Mille stelle”, që e ka shtuar repertorin e vet me valle të reja, ishte një nga aktivitetet më të bukura kushtuar kësaj figure.
Hyjmë në komunën e Quintos dhe ja tek gjendemi në rrugën “Guglielmo Marconi”. E pikërisht aty në krye të kësaj rruge është vendosur shtatorja e Nënë Terezes, e mbuluar akoma, për t'u zbuluar në ceremoninë e përurimit të saj. Më vjen idea që jo rastësisht është zgjedhur pikërisht kjo rrugë për të vënë shtatoren e Nënë Terezes. Guglielmo Marconi, shkencëtari i shquar nga provinca e Bolonjës, është fitues i çmimit Nobel për fizikën. Dhe Nënë Tereza, misionarja e shenjtorja e shquar shqiptare është fituese e çmimit Nobel për paqen. Dy emra, të cilët që nga kjo ditë i japin një peshë e domethënie më të madhe kësaj rruge në qendër të Quintos. Më vjen ndër mendje edhe ajo ditë kur Nënë Tereza pat ardhur në Bolonjë dhe iu rezervua një pritje e jashtëzakonshme. Mbi dhjetë minuta duartrokitje të publikut të ngritur në këmbë në sallën ku ajo shqiptoi fjalë të mençura që i prekën thellësisht të pranishmit.
Ceremonia e përurimit zhvillohet me një pjesëmarrje të gjerë të komunitetit shqiptar në zonë, por edhe të shumë qytetarëve italianë që e presin shenjtoren shqiptare si banoren më të re të komunës së tyre, me pjesëmarrjen e autoriteteve të pushtetit lokal, por edhe të mysafirëve të nderuar që kanë ardhur nga larg, nga Kosova, nga ambasada e Kosovës në Romë, nga konsullata shqiptare e ajo e Kosovës në Milano, nga parlamenti i Kroacisë etj.
Dom Lush Gjergji, vikar i përgjithshëm i ipeshkvisë së Kosovës thotë një lutje të shkurtër me këtë rast. Ai është njohës perfekt i jetës dhe veprimtarisë së shenjtores shqiptare, ka shkruar 17 libra kushtuar asaj. Madje disa libra i ka sjellë edhe këtu për pjesëmarrësit në këtë festë të shënuar. Ai do të mbante më pastaj edhe një fjalë emocionuese kushtuar Nënë Terezes.
Shtatoren, midis duartrokitjeve të të pranishmëve e zbuloi zëvendëskryeministri i Kosovës, Fatmir Limaj. Dhe ja tek shfaqet figura e dashur e nënë Terezes, me atë buzëqeshjen e saj të ngrohtë e atë vështrim që çonte dritë e shpresë në zemrat e njerëzve më të mjerë e të atyre që mbase jetonin ditët e orët e fundit. Ajo duket sikur zbret në çast midis njerëzve, midis bashkëatdhetarëve e do të lëvizë bashkë me ta nëpër rrugën “Marconi”. Në këtë pozicion e ide e ka kompozuar veprën e tij skulptori Agron Bytyçi. E njerëzit e komunitetit shqiptar në Quinto kanë kontribuar me punë e të ardhura që kjo figurë e dashur e kombit tonë të zbriste kështu si e gjallë midis tyre për të qenë përjetësisht aty.
Deputetja e parlamentit kroat, Erminia Leka Perljaskaj afrohet e bën foto tek shtatorja e thotë: Një gëzim të tillë e përjetuam para disa ditësh edhe në Rjeka të Kroacisë. Edhe aty e inauguruam monumentin e Nënë Terezes.
Takoj ambasadoren e Kosovës, Alma Lama. E kudogjendur në aktivitetet e shqiptarëve, ajo vjen me kënaqësi kur e ftojnë shoqatat, duke qenë një diplomate e shkrirë me komunitetin shqiptar, gjithnjë e përzemërt, dashamirëse, buzagaz e me një thjeshtësi që të bën për vete. Ajo flet shpenguar para kamerave të TV Rai, që ka ardhur të pasqyrojë këtë eveniment, por edhe në tribunën e ngritur me këtë rast solemn.
Flasin edhe kryetari i bashkisë së Quintos, Mauro Dal Zilio zëvendësministri i jashtëm i Kosovës Anton Berisha, zëvendësministri i diasporës Afrim Bekteshi, profesoresha e nderuar Lucia Nadin që e ndjek me aq dëshirë historinë e kulturën shqiptare e ka publikuar disa libra interesantë në këtë fushë e të tjerë.
Sheshi përpara tribunës është i mbushur plot me pjesëmarrës në këtë festë të bukur. Takoj me kënaqësi Shpresa Kameraj Patterer e koleget e saj që vijnë nga Fondacioni Dukagjini në Austri, Heset Ahmeti e prof. Peter Shtoka që vijnë nga Koperi në Slloveni, Ndue Pal Qokaj, grupi i valleve “Shqiponja” e aktivistja Antoneta Nushi që vijnë nga Lecco, intelektualët dhe drejtuesit e shoqatës “Besa” në Padova, Vojsava Zagali e Gëzim Muçolli, veporimtaren e palodhur të diasporës Vitore Stefa Leka, valltarët e talentuar të Trevisos e shumë të tjerë.
Kryetarin e këshillit drejtues të këtij evenimenti, Bajram Desku e shikoj disi më të relaksuar pas disa muaj lodhjeje e preokupimesh që gjithçka të shkonte mirë në ardhjen e Nënë Terezes në Quinto. Me të kishim folur në seminarin e arsimit të diasporës në Tiranë e ai që atëherë mundohej të organizonte gjithçka në detaje për ditën e shënuar. I palodhuri Bajram është edhe mësues i shkollës shqipe në Quinto.
Festa vazhdon deri vonë, ndonëse me mikun tim, Gjergj Dedaj në një farë ore u larguam sërish drejt Venezias. Ajo do të vazhdonte me meshën e organizuar me këtë rast, me darkën e bukur midis bashkatdhetarësh në një nga lokalet e Quintos dhe me takimin e organizuar të nesërmen nga përfaqësues të shtetit të Kosovës me përfaqësues të diasporës shqiptare në Itali.


Mbrëmja bie e bukur mbi Quinto. Ndizen dritat në rrugën “Marconi” e Nënë Tereza i përshëndet ngrohtësisht kalimtarët, me të cilët tashmë do të shkëmbejë përjetësisht buzëqeshjen e saj emblematike.

Mittwoch, 10. Oktober 2018

Musa Jupolli, laureat i çmimit "Pena e Artë - M. Camaj"

Poeti Musa Jupolli, laureat  i çmimit "Pena e Artë - M. Camaj" 2018

„Nji fyell ndër male“
              Martin Camajt

Në pranverë me „Nji fyell ndër male“
Para fjalës me zërinqë buqet me fëmiun në gji
Me lotët e Nënave Shqiponjat e lirisë !

Shpirt poeti, nektar shafrani, jetë e ritmeve mengjesore
Në pritje të një fjale të bukur për dëshmi të letrave
Lyrës do I dhë shpirt n’aromë të atdhut tim
Do e zbrazi gotën e dehjeve poetike, me ujë të bekuar
Me nota të poezisë, gjykimi ynë me një fletë të bardhë
Vashat lozonjare do të vallëzojnë për çdo ditë
Si kopshtare që endën në mes të trendafilave e bilbilbardhave

Gjykimet le të mbesin shpirtërore, ndaj se hija dhe drita
Janë shpresë e pa thënë, himn I penës larë me lotin tim
Në takim mërgimtarët e Arbërisë, krijuesit e kombit
N’emër të një kolosi të letrave shqipe, Martin Camaj
“Nji fyell ndër male” Notat e etjeve për mësim

Matematika e gramatikës sonë, vitet mos të mbesin vetëm fjalë
Dhe ja dallëndyshet e para pas një dimri të gjatë e t’acart
Nën gurët antik kundihet aromë bime, buka e shpirtit tonë
Odë e poemë për një zgjim të ri, me emër e mbiemër

Seigneur! si ta quajmë Pranverën e kohës sonë
Gjergj Kastriot! apo edhe poet! Që bota të thot
“Nga ju vjen kjo buzëqeshje,
Apo nji fyell ndër male ua solli zgjimin?”


PS: Informata është marrë nga profili i autorit në Facebook, 
publikuar me 8 tetor 2018. Urime!